بلطجة شعب !!!

موقف حصل معايا كطبيب رعاية أساسية بوحدة صحية تخضع للادارة الحكيمة الرشيدة لوزارة الصحة المصرية .... في نبطشية السهر يدخل عليك اثنين ... مريض ومرافقه باين عليهم من ملابسهم انهم ناس مستواها الاجتماعي معقول ... بيطلب خياطة ف جرح ف رجله ... ولما بدأت .... فوجئت بمعلومة أول مرة أعرفها "عرفتها من بقهم" المعلومة بتقول : إن مفيش غرزة انت بتخيطها بتجيب دم "أحا" "قال يعني بتجيب سكر بروح أمه " ولما طلبت الطلب الطبيعي اللي ممكن يطلبه أي كائن عاقل ساعتها انه ينتظر برة لحد ما أخلص ... رد هو بالرد الطبيعي جدا لأي مواطن مصري .... "احا انت عارف انت بتكلم مين ؟؟؟؟!" وبدأ في وصلة من الغزل العفيف لعيلتي الكريمة وبالذات الست والدتي .... طبعا العبد لله ما سكتش ... خد اللي فيه النصيب ... وزيادة عشان كنت عامل عرض خاص بمناسبة رمضان .... الحاجة اللي تغيظ ... بقى ان ف وسط الخناق بيقولي انت دكتور مش محترم ليه ياعمنا ... بيقولي عشان رديت عليا لما شتمتك ومديت ايدي عليك ...المفروض اني اقف واقوله تحت أمرك يا فندم "ع اساس انها خدمة عملاء فودافون بروح أمه" عشان أنا دكتور وقدوة للمجتمع ومايصحش أرد على الكلام دة ... وان هو هيسجنني بعد الثورة في قانون للأطباء الفشلة اللي زيي ...الموقف دة وضحلي كذا نقطة :
1-ان الاحترام والأدب مش بالشهادة ولا بالعلم .... لأن البيه بن المرة دة محامي وأخوه دة بيصلح أجهزة كهربائية والجو دة
2-الدنيا ما بتهونش الا ع الفقير عشان قبله بساعة خيطت حالة لراجل كان ف قمة الغلب ومعندوش أي مشكلة انه يروح يجيب أمبول خيط بالشئ الفلاني
3- اوعى تتنازل عن حقك تحت أي ظرف لأن ناس كتيير هتستنالك الغلط ... وساعتها مش هترحمك ... مابقولش ما تسامحش بس تسامح لما يكون اللي قدامك اعترف أو عنده استعداد انه يعترف بغلطه ...غير كدة يبقى بتديله فرصة يركبك ويدلدل
4- ناس كتير فاكرة انها بسبب الثورة تقدر انها تدخل أي مصلحة وتعمل أي حاجة سواء حقها أو مش من حقها عن طريق الزعيق و قلة الادب والوساخة والمفروض ان الموظف انه يقعد ساكت ... كأنه لقيط أو مالوش أهل ... مش قادر يفهم ابن الكلب دة ان كلنا بنشتغل عند بعض ف الدولة دي .... حمار مش قادر يفهم
5-أم الضمير الحي دة لازم ينام حبة وتفو ع دقني بعد كدة لو عدت أشغله مع ولاد المرة :-D:-D:-D