اول مرة أجرب أني اعمل مدونة كانت في اللحظات اللي بكتب فيها الكلام دة حاليا .... مش عارف أنا هكتب عن ايه ولا هكتب ايه ولا هكتب ليه بس اللي انا عارفه ومتاكد منه إن معدش ينفع حد يسكت معدش ينفع حد يجبرك على انك تقول كلام انت مش عاوز تقوله او تسكت عن كلام انت عاوز تقوله .... محدش عاد يقدر يحجر على حريتك .... ربنا خلقك عبد ليه لوحده عزوجل مش عبد لأي حد تاني انت اللي بتصنع أصنامك انت اللي بتختار أوهامك ... انت اللي بتختار انك تكذب الكذبة وتصدقها ..... الصراحة انا مش عارف مين اللي هيهتم أصلا انه يقرأ الكلام دة أصلا ..... بس مش مهم مين يقرأ قولت ف الاول المهم إن انا اللي أكتب ع الاقل لو غلطت هلاقي حد يعارضني ويصححني ... هلاقي حد يناقشني ويوضحلي ..... وان قولت حاجة صح هلاقي اللي هيشجعني ... ماهو دايما أصعب طريق بيكون الطريق اللي بتمشيه لوحدك ... طب ليه تمشيه لوحدك وانت بإيدك انك يكون ليك فيه صحبة .... الافكار متضاربة وحاسس اني بهرتل ... بس مبسوط اني بكتب ..... المهم لو حد قرا بقى الكلام دة ياريت ما يبقاش يشتم ف سره يعني .... ويمشيها اني لسة بتعلم ... وادينا بنحاول .... وربنا يستر علينا وعليكم ويجعل بيوت المحسنين عمار
عمرو المصري
3-7-2012
17:03 
تسلم ايدك
ردحذف