هرتلة

تنزل تجيب حقك
يقولوا مين زقك
وكام يا واد قبضك
وفين أجندتك !!!
تهتف تكون بلطجي
وتبات تكون حرمجي
وإن قولت أنا ثورجي
يقولوا مش سكتك
قالب عاليها واطيها
والغلطة ما تعديها
وإن جيت ف يوم تهدى
يلعن أبو اللي جابتك !!!
إن قولت اه للعسكر
يقولوا بقى دلدول
أزعق وأقول إخوان
يقولوا مش معقول
طيب خلاص سلفي
يقطع قوام خلفي
ويقولي انت فلول !!!
وإياك تكون ليبرالي
وياخوفي تبقى يساري
ساعتها تبقى مصيبة
واوعاك تقرب جاري !!!!