مجرد ما بتفكر تكتب حاجة بتلاقي مليون فكرة عمالة بتتنطط في دماغك وهنا يأتي دور الانتخاب الطبيعي ونظرية لامارك وكل نظريات التطور "اللي أثبتت فشلها " في إنها تساعدك على اختيار فكرة معينة تكتب عنها ... دة طبعا لو حضرتك بتكتب من أجل الكتابة وشايف إن الكتابة أيا كان اتجاهها أو مجالها هي تعبير عن ذات سيادتك وكينونتك المتقوقعة ... انما لو انت من نوع الكتبة الموجهين بفتح الجيم "قشطة كدة ؟؟؟" ... اللي هو لما موضوع معين ياكله أو يحرقه يروح كاتب ... دة حمادة تاني خالص!!! الحمادة قصدي الكاتب اللي من النوع دة بيكون صعب يبدع ...لأن إن غاب المحفز عنه اللي هو الأكلان أو الحرقان .. مش هيعرف يكتب ... بعكس الكاتب الأول لأنه لو مكتبش هيشوف نفسه أخرس ... المهم ... لما بتختار بقى الفكرة وتبدأ في مناقشتها بيحصل حاجتين أول حاجة إنك بتعبر عن نفسك وتاني حاجة إن سيادتك بتوضح الفكرة أكتر لنفسك ... عشان كدة نقدر نقول الكتابة دي نعمة من نعم ربنا علينا ...اللي يغيظك بقى ان الواحد لما ييجي يكتب حاجة بقى هو قاصد يكتب فيها او مصمم يكتب فيها ... ما يلاقيش اي كلام يتعلق بالموضوع اللي هو عاوز يكتب عنه ويلاقي بقى بقيت الافكار عمالة تتنطط بقى ويفضل على هذا الحال يا ولداه لحد ما يمسك كل الافكار اللي بتتنطط دي فكرة فكرة وكل ما يمسك فكرة مايلاقيش كلام ... يروح قايم سايب القلم زي الشاطر وفاتح قناة صوت الشعب وقاعد يتفرج على الشباب المنتخب لقيادة برلمان الثورة " هيبقالنا لقاء مع برلمان الثورة قريب " ..... او الاحسن يقوم يتفرج على توفيق عكاشة عشان ساعتها هيعرف ان المخ أساسا مالوش أي لازمة .... وإن نظرية داروين فشلت لأنها لم تعترف بأن الانسان أصله جلدة حنفية !!!
19:39
likeeeeeeeeeeeeeeeee w sa7 gdn :)
ردحذفولا صح ولا حاجة انت بس اللي ذوق ومحترم :) :)
ردحذف